പുസ്തക പ്രകാശന റിപ്പോര്‍ട്ട്‌

പ്രിയപ്പെട്ടവരെ,
 സീയെല്ലെസ്  ബുക്സ് തളിപ്പറമ്പ്  പ്രസിദ്ധീകരിച്ച ശ്രീ    ഷാജി  നായരമ്പലത്തിന്റെ  വൈജയന്തി  എന്നാ  കവിതാ  സമാഹാരത്തിന്റെ പ്രകാശനവും ഏറ്റു വാങ്ങലും , മഹാകവി വൈലോപ്പിള്ളിയുടെ ജന്മ ശതാബ്ദി ആഘോഷം നടന്ന  ഇടപ്പിള്ളി ചങ്ങമ്പുഴ പാ‍ര്‍ക്കിലെ  പ്രൌഢ ഗംഭീരമായ വേദി യില്‍ വച്ച്  പ്രശസ്തകവികളായ   ശ്രീ എന്‍ കെ ദേശം , ശ്രീ  എസ് രമേശന്‍ എന്നിവര്‍ യഥാക്രമം   നിര്‍വഹിച്ചു  വൈകീട്ടു 6 മണിക്ക് വൈജയന്തിയുടെ പ്രകാശന ത്തോടെയാണ് ആഘോഷങ്ങള്‍  ആരംഭിച്ചത് .
ശ്രീമതി സരസമ്മ റ്റീച്ചര്‍ വൈജയന്തിയിലെ “എന്റെ വിത “ എന്ന കവിത മനോഹരമായി ആലപിച്ചു
വലിയ ഒരു സദസ് സന്നിഹിതരായിരുന്നു.ഓര്‍ക്കുട്ടില്‍ നിന്നു കുട്ടേട്ടന്‍, ബാലേന്ദു സാര്‍, എസ്സാര്‍ തുടങ്ങിയവരുടെ സാന്നിധ്യം  ചടങ്ങിനു മോടി  കൂട്ടി.
ഈ പുസ്തകപ്രകാശനത്തിന്റെ വിജയത്തിന് പിന്നില്‍ പ്രവര്‍ത്തിച്ച എല്ലാവര്ക്കും ഷാജിയോടൊപ്പം   നന്ദിയും കടപ്പാടും രേഖപ്പെടുത്തുന്നു.
ഇനിയുള്ള പ്രവര്‍ത്തനങ്ങളിലും ഏവരുടെയും അനുഗ്രഹവും സഹകരണവും പ്രതീക്ഷിച്ചു കൊണ്ട് ,
സ്നേഹപൂര്‍വ്വം ,
പ്രസാധകര്‍,
സീയെല്ലെസ്സ് ബുക്സ് ,
തളിപ്പറമ്പ്

വൈജയന്തി

സീയെല്ലെസ് ബുക്സ് ,തളിപ്പറമ്പ്
പ്രസിദ്ധീകരിക്കുന്ന

ശ്രീ. ഷാജി നായരമ്പലത്തിന്റെ കവിതാസമാഹാരം

വൈജയന്തി

പ്രകാശിതമാകുന്നു.

സ്ഥലം : ഇടപ്പിള്ളി ചങ്ങമ്പുഴ സാംസ്കാരിക കേന്ദ്രം
( ചങ്ങമ്പുഴ പാര്‍ക്ക് )
വേദി : വൈലോപ്പിള്ളി ജന്മശതാബ്ദി ആഘോഷം
തീയതി : 12 - 09 - 2010
സമയം : വൈകുന്നേരം അഞ്ചു മണി
വീവിധ കലാ സാഹിത്യ പരിപാടികള്‍ വൈലോപ്പിള്ളി അനുസ്മരണമായി
അന്നവിടെ നടക്കുന്നുണ്ട്.
അതിനിടയില്‍ നടക്കുന്ന തികച്ചും ലളിതമായ ഒരു ചടങ്ങാവും പുസ്തകപ്രകാശനം .
കവി ശ്രീ എന്‍. കെ. ദേശം പ്രകാശനം നിര്‍വഹിക്കും .
ശ്രീമതി സരസമ്മ ടീച്ചര്‍ പുസ്തകം സ്വീകരിക്കും
തുടര്‍ന്നു വൈജയന്തിയിലെ ഒരു കവിത ടീച്ചര്‍ ആലപിക്കുകയും ചെയ്യും
ഇത്രയുമാണ് പ്രകാശനചടങ്ങ്


വൈലോപ്പിള്ളി അനുസ്മരണ ഭാഗമായി
പ്രമുഖ സാഹിത്യകാരന്മാര്‍ അവിടെ സന്നിഹിതരാകുന്നുണ്ട്.
കവിയരങ്ങ്, ചൊല്ലിയ കവിതകളെക്കുറിച്ചുള്ള അഭിപ്രായപ്രകടനം
വൈലോപ്പിള്ളിക്കവിതകളുടെ ആലാ‍പനം തുടങ്ങിയവയാണ് പരിപാടികളില്‍ ചിലത്.

പുസ്തകപ്രകാശനത്തിനു എല്ലാ സുഹൃത്തുക്കളുടെയും സാന്നിദ്ധ്യവും
അനുഗ്രഹവും ഷാജി നായരമ്പലം
ആഗ്രഹിക്കുന്നു;ഞങ്ങളും .
ക്ഷണിക്കുന്നു.
സ്നേഹപൂര്‍വ്വം,

പ്രസാധകര്‍